Wanneer jy my verlaat

Met elke vaarwel

Is daar ‘n traan wat val

Vir daardie half uur of twee

Was daar niemand behalwe ons twee

Dan gaan daardie lang wyster staan

Daar waar my moed weer weg wil gaan

Dit is tyd dat jy my moet verlaat

Die lee spasie in my bestaan wat jy weer agter laat

Die lee koppies spreek van jou eens teenwoordigheid

Jou mooi glimlag op die rand is wat oor is na die afskeid

Jou parfuum soet en sag op my hemp

Is al wat help om die hartseer te demp

Met trae gees wil ek die koppies was

Maar dan keer ‘n traan terug, want weg is nou, my spesiale gas

So vul elke traan ‘n oog

Nou is dit selfs moeilik om die pierings te sien om af te droog

Maar my gees bly gevul

Met mooi herinneringe van tye saam

Tye wat ons in liefde hul

Tye waar slegs ons bestaan

~ annoniem