Hoe goed, hoe mooi is dit as broers eensgesind saam
woon! Dit is soos reukolie wat van die kop af in die baard afloop, die baard
van Aäron, af tot by die soom van sy klere. Psalm 133:1-2 NAV
Die Skrif gebruik die
beelde van die Heilige Gees om die seën en salwing op sulke verhoudings te
beskryf: dis soos die wydingsolie wat oor Aäron uitgegiet is, om hom vir die
Here af te sonder, soos die dou van Hermonberg wat op Sion val. So ‘n salwing
– en die eenheid en vrede wat daaruit spruit – is egter ook ‘n gevolg van ons
eie Geesvervuldheid: ons liefde, geduld, vriendelikheid, vergifnis, ons begrip.
**As die olie van die Heilige Gees ons gedagtes
verander het, vloei dit af oor ons hart en verander ons gevoelens; dit gaan sit
in ons klere en word deel van ons gedrag en benat dan die grond om ons as ons
getuienis**
…Dis my en jou taak om só onder die Heilige Gees se
invloed te wees! Dan sal ons verhoudings ook mooi wees…
Here, vul my met U
Gees! Seën ons met U eenheid en vrede, met U liefde. Amen.
No comments:
Post a Comment