vat my terug

My hart hunker na die Here

maar ek doen eintlik niks daaraan nie

alles het soveel moeite geword

Tog kan ek vanaand nie die verlange stil nie

ek dink aan die tyd wat ek en die Here so lekker gedans en gelag het

en begeer het om tog net lang hare te he sodat ek ook die Here se voete daarmee kan afvee

ek wou so graag dien en ‘n voorloper wees

ek het soveel planne gehad, drome

Nou doen ek net mooi niks – ek sit net

amper asof ek die verantwoordelik op die Here afskuif

asof ek wil he Hy moet moeite doen met my

My hart is leeg en tog verstom die hoeveelheid trane wat uit my oe uit bly rol, elke keer as ek myself toelaat dat om te dink

aan gister

Ek wil nie meer dink nie

nie aan die kinders wat die pad gevat het

en hul eie nes gaan skrop het in ‘n ver vreemde land nie

ook nie aan al die lee beloftes van 'n huweliks-maat wat glad nie meer skroom om verwoesting te saai met sy mond nie

 

Wat help dit tog om te bid Here

te glo dat alles ten goede sal uitwerk

terwyl dit voel asof niks meer sin of saak maak nie

My krummelgebede dra nie krag nie

daar is niks meer wat ek kan vra wat ek al 100 keer gevra het nie

ek kan aan niks meer dink om voor te bid nie

 

Die dorheid van die rivier-bank se krake maak my deurmekaar

wanneer het die strome lewende-water dan ophou vloei?

Vat my terug na die plek waar net U saakgemaak het Here

Vat my terug…